मुख्यमंत्री अन्नपूर्णा योजना ; मोफत गॅस सिलेंडर अनुदान कधी मिळणार?
मुख्यमंत्री अन्नपूर्णा योजनेअंतर्गत पात्र महिलांना वर्षाला तीन मोफत गॅस सिलेंडर दिले जातात. ज्या महिला मुख्यमंत्री माझी लाडकी बहीण योजनेच्या पात्र लाभार्थी आहेत आणि ज्यांच्याकडे प्रधानमंत्री उज्ज्वला गॅस योजनेचे कनेक्शन आहे किंवा ज्यांच्या नावावर ‘लाडकी बहीण’ योजनेअंतर्गत गॅस कनेक्शन आहे, त्यांना या योजनेचा लाभ मिळतो.
आर्थिक वर्ष 2024-25 साठी तीन गॅस सिलेंडरचे अनुदान यापूर्वीच थेट लाभ हस्तांतरण (DBT) द्वारे पात्र लाभार्थ्यांच्या खात्यात जमा करण्यात आले आहे.
मुख्यमंत्री अन्नपूर्णा योजना ; 2025-26 साठीचे अनुदान कधी जमा होईल?
आर्थिक वर्ष 2025-26 साठीचे अनुदान ऑगस्ट किंवा सप्टेंबर महिन्यात पात्र महिला लाभार्थ्यांच्या खात्यात जमा होण्याची शक्यता आहे. राज्य सरकारने यासाठी विविध विभागांना निधी वाटप करण्यास सुरुवात केली आहे. उदाहरणार्थ, 10 जुलै 2025 रोजी आदिवासी विकास विभागाला अनुसूचित जमातींच्या लाभार्थ्यांसाठी 25 कोटी रुपयांच्या तरतुदीतून 15 कोटी रुपये वितरित करण्यात आले आहेत.
लाभार्थ्यांना दरमहा जास्तीत जास्त एक सिलेंडर मिळते, आणि एका वर्षात एकूण तीन सिलेंडरवर अनुदान मिळते. सामान्य आणि अनुसूचित जाती यांसारख्या इतर श्रेणीतील लाभार्थ्यांसाठीही निधी लवकरच वितरित केला जाईल आणि त्यांचेही तिन्ही गॅस सिलेंडरचे अनुदान ऑगस्ट किंवा सप्टेंबरमध्ये DBT द्वारे खात्यात जमा केले जाईल.